Kratki film o ljubavi / ponedjeljak 14.05.2018.

A Short Film About Love

A Short Film About Love

Tomek, mladić iz sirotišta, pošto ukrade teleskop iz školske radionice, posmatra svake večeri Magdu. Usamljenost prekraćuje radeći u pošti, studirajući jezike. Čak uzima i posao raznosača mlijeka ne bi li joj se približio.

Za njega, park koji dijeli njihove dvije zgrade zapravo je čitav svemir, a prozor u koji gleda daleka zvijezda, dom koji nikada nije imao. Otuda, iako Magda često mijenja muškarce, on razvija duboku ljubav prema njoj.

Kišlovski 1988. godine snima deset kratkih filmova tzv. Dekalog, zasnovanih na motivima deset božjih zapovijedi. Filmovi su snimljeni uz pomoć poljske i televizije Zapadne Njemačke. Zamišljen kao epizode iz života stanovnika varšavskog nebodera, ciklus je postao jedan od najzapaženih ostvarenja prošlog vijeka. Na početku planiran kao projekat deset režisera, Kišlovski odustaje od ideje zbog organizatorskih problema i preuzima režiju za svih deset filmova. Epizode pet i šest Kratki film o ubijanju (prikazan prošle sedmice na RTS-u u okviru ciklusa filmova Kišlovskog) i Kratki film o ljubavi snimljene su i kao dugometražni filmovi i postigli su značajne uspjehe na međunarodnim festivalima.

Komentariši